Galacia 5:13-24

Ang Biblia (1978)

¹³ Sapagka't kayo, mga kapatid, ay tinawag sa ^(A)kalayaan; ^(B)huwag lamang gamitin ang inyong kalayaan, upang magbigay kadahilanan sa laman, kundi sa pamamagitan ng pagibig ay mangaglingkuran kayo.

¹⁴ Sapagka't ang ^(C)buong kautusan ay natutupad sa isang salita, sa makatuwid ay dito: ^(D)Iibigin mo ang inyong kapuwa na gaya ng inyong sarili.

¹⁵ Nguni't kung kayo-kayo rin ang nangagkakagatan at nangagsasakmalan, magsipagingat kayo na baka kayo'y mangaglipulan sa isa't isa.

¹⁶ Sinasabi ko nga, ^(E)Magsilakad kayo ayon sa Espiritu, at hindi ninyo gagawin ang mga pita ng laman.

¹⁷ Sapagka't ^(F)ang laman ay nagnanasa ng laban sa Espiritu, at ang Espiritu ay laban sa laman; sapagka't ang mga ito ay nagkakalaban; ^(G)upang huwag ninyong gawin ang bagay na inyong ibigin.

¹⁸ Datapuwa't ^(H)kung kayo'y pinapatnubayan ng Espiritu, ay wala kayo sa ilalim ng kautusan.

^19 (I)At hayag ang mga gawa ng laman, sa makatuwid ay ang mga ito: pakikiapid, karumihan, kalibugan,

²⁰ Pagsamba sa diosdiosan, pangkukulam, mga pagtataniman, mga pagtatalo, mga paninibugho, mga pagkakaalitan, mga pagkakampikampi, mga pagkakabahabahagi, mga hidwang pananampalataya,

²¹ Mga kapanaghilian, mga paglalasing, mga kalayawan, at ang mga katulad nito; tungkol sa mga bagay na ito ay aking ipinagpapaunang ipaalaala sa inyo, tulad sa aking pagpapaalaala nang una sa inyo, na ^(J)ang mga nagsisigawa ng gayong mga bagay ay hindi magsisipagmana ng kaharian ng Dios.

²² Datapuwa't ^(K)ang bunga ng Espiritu ay pagibig, katuwaan, kapayapaan, pagpapahinuhod, ^(L)kagandahang-loob, kabutihan, pagtatapat,

²³ Kaamuan, pagpipigil; ^(M)laban sa mga gayong bagay ay walang kautusan.

²⁴ At ^(N)ipinako sa krus ng mga na kay Cristo Jesus ang laman na kasama ang mga masasamang pita at mga kahalayan nito.