Lik 19:45-48

Nouvo Testaman: Vèsyon Kreyòl Fasil

Jezi mete lòd nan tanp lan

(Mat 21:12-17; Mak 11:15-19; Jan 2:13-22)

⁴⁵ Jezi antre nan tanp lan, epi li tonbe mete tout moun ki t ap vann bagay anndan tanp lan deyò. ⁴⁶ Li di yo: “Men sa Bib la di: Tanp mwen an fèt pou l yon kote moun vin lapriyè Bondye.^(A) Men nou menm, nou fè l tounen yon kachèt pou vòlè.”^(B)

⁴⁷ Chak jou, Jezi te nan tanp lan ap anseye moun yo anpil bagay. Chèf prèt yo menm, ansanm ak doktè lalwa yo epi lidè yo nan pami pèp la t ap chache yon okazyon pou yo touye li. ⁴⁸ Men li pa t fasil pou yo te rive fè sa paske tout pèp la t ap koute li ak atansyon. Yo te vrèman enterese nan sa li t ap di yo.