Job 5

Paite Bible

5 NA ut leh tu’n sam le chin,

ahihhanga, kua’n hon

dawng ding?

Misiangthoute a kua pen

kianga taai ding na hia?

² Hehna in mihat that a,

thikthusiatna in mimawl that hi.

³ Keimah in zong mihai khat

zungkai mu ing a,

ahihhanga a inn hamsiata

om guih hi.

⁴ A tate bitna pana gamla uh a,

a humbit ding omlou a,

khawpi kongpi ^[a] -a nehtapa

om uhi.

⁵ A gilkialte’n tua mi’ buhlaksa,

linglak apan a kaihkhawm

nangawn nekgaihsak uh a,

a dangtak mi a neihsa

lunggulha nak

hawphawp hi.

⁶ Ahang bel, haksatna leilak apan

poutou hi lou a,

lungkham buaina zong

leilak apan dawnkhia

hilou hiven.

⁷ Hinapi-a, mihing bel lungkham

buaina

nei dinga piang hi a,

meiek, tunglama a lentouh

teitei bang hi mawk hi.

⁸ Kei ka hih leh, Pathian kianga

ka ngetna tun ding ing a,

a maia ka thu tun ding

hi’ng.

⁹ Ama’n teh vuallouh

thillamdangte hih a,

sim senglouh thillamdangte

hih hi.

¹⁰ Ama’n leitung ading vuahtui pia a,

gam ading tui pia hi.

¹¹ A niamte sangsak a,

a dah-a suunte bitna

muna domtou hi.

¹² Pil lepchiahte’ thilsawm dal a,

a khutte un lawhchinna

mu lou hi.

¹³ A pilte a pillepchiahna ua man a,

lemtheite’ thilsawmte

phiatmanga om hi.

¹⁴ Sun tanglaia mialna a tung ua

tung a,

sun tanglaia miallaka pai

banga kimai mai uhi.

¹⁵ Ama’n a tasamte, a kamsung ua

namsau apan hukhia a,

a vangliante’ khut apan

hukhia hi.

¹⁶ Tuachi-a mizawngte’n lametna

nei uh a,

dikloua vaihawmna daidide hi.

¹⁷ Pathian in taihilha

a bawlhoihte mi nunnuam hi

uhi.

Tua bang ahih manin,

Vanglianpen’

thununna simmawh ken.

¹⁸ Ahang bel, ama’n liamsak a,

amah mah in liamna

mekbing a,

ama’n hihna a, amah khut

mah in damsak hiven.

¹⁹ Ama’n tuahsiatna guk apan

nang hon humbit ding a,

sagih apan zong siatna in

hon pha lou ding hi.

²⁰ Ama’n kial laiin, sihna apan

hon tankhe ding a,

kidouna phual ah zong, namsau

apan hon tankhe ding hi.

²¹ Kamsunga lei zeepna satna

apan huma om ding chin a,

siatna hong tun chianga zong

lau lou ding hi teh.

²² Siatna leh kial nuihsan ding chin a,

leitung gamsate na lau kul

lou ding hi.

²³ Ahang bel, gamlak suangtumte

tawh kala thukhun nei

ding chin a,

gamsa giloute’n hon kilempih

ding hiven.

²⁴ Na puanbuk a bit chih

thei ding chin a,

na van neihsate sim ding

chin a,kuamah natunga

khiallou ding hi.

²⁵ Na tate tam ding a,

na suan na khakte leitung

loupakungte bang ding hi.

²⁶ Thahat laipi-a hankhuk tung

ding chin a,

a hun taka buhphal

khopkhawmte

bang ding hi teh.

²⁷ Koute’n hiai entelta ung a,

a dik mah hi ahi.

Tuabang ahih manin, hiai

ngaikhia inla,

nang adingin zang in,

a chi hi.