Mga Awit 144:1-3

Ang Biblia, 2001

144 Purihin ang Panginoon, ang aking malaking bato,
    kanyang sinasanay ang aking mga kamay para sa digmaan, at ang aking mga daliri sa pakikipaglaban;
² ang aking tapat na pag-ibig at aking tanggulan,
    aking muog at aking tagapagligtas;
aking kalasag at siya kong kinakanlungan,
    na siyang nagpapasuko sa ilalim ko ng mga bayan.
³ Panginoon,^(A) ano ba ang tao upang siya'y iyong kilalanin,
    o ang anak ng tao, upang siya'y iyong isipin?